होम लोन माहिती मराठी - Home Loan Information in Marathi
आपले स्वतःचे हक्काचे एक सुंदर घर असावे हे प्रत्येकाचेच स्वप्न असते. पण, आजच्या काळात वाढलेल्या घराच्या किमती, ते घर परिपूर्ण करण्यासाठी लागणाऱ्या सोयी सुविधांचा खर्च, ते स्वप्नातले घर आणखी सजवण्यासाठी लागणार पैसा या सगळ्यांची गोळाबेरीज केली तर एकंदरीत असे लक्षात येते कि मध्यमर्गीयांसाठी घर घेणे म्हणजे काही आता येड्या गबाळ्याचे काम नव्हे. स्वतःच्या बचतीतून घर म्हणजे केवळ दिव्यस्वप्न. त्यामुळे घर घेतांना - कर्ज घेणे हे अनिवार्य झाले आहे. मग ही पैश्यांची जमवाजमव कधी - बँकेकडून (सरकारी किंवा खाजगी), गृहकर्ज (Home Loan) वित्तसंस्था, नातेवाईक किंवा मग घरातील दागदागिने विकून, एखादी वडिलोपार्जित मालमत्ता किंवा स्वतःचे राहते जुने घर विकून सुद्धा केली जाते.
कर्ज आवश्यकता फॉर्म - (Loan Requirement Form)
गृहकर्ज घेताना कोणत्या गोष्टी विचारात घ्याव्यात?
गृहकर्ज (Home Loan) घेण्यापूर्वी ते कोणाकडून घ्यावं, कोणत्या बँकेकडून किंवा वित्तसंस्थेकडून घ्यावं याबाबत सर्वंकष विचार केला पाहिजे. मनामध्ये याबाबत काही संभ्रम असेल तर एखाद्या तज्ज्ञाकडून त्याबद्दलची माहिती घ्यावी. आपण घर घेताना जेवढा विचार करतो, गृहकर्ज घेताना तेवढा विचार करत नाही. घर शोधण्यात बराच वेळ घालवतो आणि एकदा घर सापडल्यानंतर गृहकर्ज अतिशय झटपट घेऊन टाकतो.
गृहकर्ज (Home Loan) घेणं अलीकडच्या काळात सोपं वाटत असलं तरी गृहकर्जाची निवड करताना कुठल्याही बँकेची अथवा वित्तीय संस्थेची निवड घाईगडबडीने करू नये. गृहकर्जासाठी फायदेशीर ठरणारे निकष तपासून घ्यावेत. केवळ पटकन कर्ज देणारी संस्था म्हणून कुठल्याही बँकेची अथवा वित्तीय संस्थेची निवड करू नये. म्हणजे परतफेड करताना अधिक रकमेचा परतावा करावा लागणार नाही.
कर्ज आवश्यकता फॉर्म - (Loan Requirement Form)
घरासाठी कर्ज कसं मिळतं? होम लोन प्रकार, व्याजदर, प्रक्रिया काय असते. कोणते निकष विचारात घ्यावे.
सर्वात पहिला आणि महत्वाचा मुद्दा म्हणजे - घराच्या एकूण किमतीच्या किती टक्के कर्ज बँक किंवा वित्तीय संस्था देईल? (थोडक्यात margin) बघणे अतीशय आवश्यक आहे. घराच्या किमतीच्या साधारणतः ८०-८५ टक्के पर्यंत कर्ज मिळू शकते. ( काही बँका ९०-९५% टक्के कर्ज सुद्धा देतात) काही बँका आणि वित्तीय संस्था घर खरेदीला लागणारी स्टॅम्प ड्युटी, One Time Maintenance इत्यादी साठी सुद्धा कर्ज देतात .
२) कर्ज परतफेडीची मुदत :-
मुदतफेडीची वर्ष जेवढी जास्त तेवढा फेडीचा मासिक हप्ता छोटा असतो. म्हणून बहुतेक जण दीर्घ मुदत पसंत करतात. पण जेवढा कालावधी जास्त तेवढे बँकेत भरावयास लागणारे एकूण व्याजही जास्त बसते. कारण जादा मुदतीसाठी जादा व्याज दर हे सूत्र बहुतेक ठिकाणी दिसून येतं. म्हणूनच आपले उत्पन्न पाहून कमी मुदत निवडणं फायद्याचं ठरतं.
३) व्याज दर स्थिर (Fixed Interest Rate) घ्यायचा की बदलता (Floating Interest Rate) घ्यायचा :-
भविष्यात व्याजदर जर चढणार असेल तर कर्जदार स्थिर व्याजदर घेतात. पण, उतरत्या व्याजदराचा अंदाज असेल तर बदलत्या दरास म्हणजे ‘फ्लोटिंग’ (Floating Interest Rate) दरास पसंती दिली जाते. जी बँक स्पर्धात्मक (Compititive) व्याज दर देते तिचा विचार करायला हरकत नाही.(hdfc home loan interest rate)
४) प्रधानमंत्री आवास योजना :-
ठराविक अटींची पूर्तता केल्यास, सरकार कडून आपणास " प्रधानमंत्री आवास योजने" अंतर्गत २,६७,००० रुपये (यात आता बदल झालेला असू शकतो) पर्यंत चा रीबेट मिळतो. या अटींची पूर्तता करण्याच्या दृष्टीने घराची नोंदणी करावी आणि गृहकर्ज देणाऱ्या संस्थेला तो रीबेट मिळवण्यासाठी करावी लागणारी कार्यपद्धती (Home Loan Procedure) ची माहिती घ्यावी.
५) प्रोसेसिंग फीस :-
कुठल्याही बँकेकडून कर्ज (Home Loan) घेण्यापूर्वी प्रोसेसिंग फीस भरावी लागते . शिवाय कर्ज नामंजूर झाल्यावरही हे शुल्क परत मिळत नाही. काही बँका निम्मे शुल्क परत करतात तर काही बँका ठरावीक काळासाठी नवे ग्राहक मिळण्याच्या हेतूने हे शुल्क माफ करतात. त्यामुळे कर्ज घेतांना कोणती बँक किती प्रोसेसिंग फीस लावते किंवा सवलत देते ते तपासावे.
६) विमा खर्च :-
गृहकर्ज (Home Loan) घेताना बँकेकडे घर तारण राहतं. या तारणाचा विमा उतरवणं काही बँक सक्तीचे करतात. अश्यावेळी एखादी बँक विम्याचा खर्च स्वत: सोसण्याची तयारी दाखवते, तर एखादी बँका विम्याचीही कर्ज रकमेच्या सोय उपलब्ध करून देते आणि त्याचा सुद्धा वेगळा हफ्ता बांधून देते .त्यामुळे कमी विमा आकारणारी किंवा सूट देणारी बँक कोणती हे तपासावे.
७) छुपे खर्च ( hidden charges ) :-
काही वेळा बँक आणि वित्तीय संस्था, वेळोवेळी, ठरलेल्या व्याजदाराव्यतिरिक्त अनेक छुपे खर्च कर्ज रकमेत नावे टाकत जाते. त्यामुळे नकळत कर्ज रक्कम वाढत जाते. म्हणून कर्ज घेण्याअगोदर अशाप्रकारच्या खर्चाची माहिती घ्यावी. (sbi home loan interest rate)
८) मुदतपूर्व परतफेड :-
गृहकर्ज (home loan interest rate) परतफेडीमध्ये आणखी एक मुद्दा महत्त्वाचा असतो आणि तो म्हणजे मुदती अगोदर भरलेली परतफेड रक्कम. ग्राहकाने ठरलेल्या मुदती अगोदरच जास्त रक्कम भरून खातं बंद केलं तर कर्ज देणार्या बँकांचं व्याज बुडतं. म्हणूनच अश्या बँका जास्त रक्कम मुदतपूर्व भरण्यास उत्तेजन देत नाहीत. अनेक वेळा तर मोठा दंडदेखील आकारतात तर काही बँका कर्जदार स्वत:च्या उत्पन्नातून जास्त रक्कम भरत असेल तर दंड आकारत नाहीत. पण, कमी व्याज दर असणाऱ्या बँकेकडून कर्ज घेऊन परतफेड होत असेल तर मग मात्र दंड आकारला जातो.
पहिल्यांदा होम लोन घेणार आहात तर या महत्वाच्या गोष्टी लक्षात ठेवायलाच पाहिजे. असे अनेक मुद्दे आपण अतिशय बारकाईने तपासून वेगवेगळ्या बँकांच्या योजनांचा अभ्यास करूनच गृहकर्ज घेण्याचा निर्णय घ्यावा.
कर्ज आवश्यकता फॉर्म - (Loan Requirement Form)
गृहकर्जासाठी सर्वोत्तम बँक किंवा फायनान्स कसे निवडावे.
- व्याजदर- गृहकर्जासाठी (housing loan interest rate) विविध व्याजदर ऑफर केले जातात. व्याजदर कमी असेल तर जास्त ग्राहक आकर्षित होतात. हा ग्राहकांचा अघोषित नियम असतो, पण इतर बँकेपेक्षा जर एखादी बँक व्याजदर कमी देत असेल तर त्यांचे अतिरिक्त शुल्क, छुपे खर्च, तारण खर्च इत्यादी तपासून घ्यावे. कारण बऱ्याचदा काही बँका व्याजदर कमी देतात पण, त्यांचा इतर खर्च जास्त असतो. त्यामुळे सर्व तपासून निर्णय घ्यावा.
- अतिरिक्त शुल्क - तुमच्या EMI व्यतिरिक्त काही अतिरिक्त शुल्क जसे की प्रोसेसिंग फी, टायटल क्लिअरन्स खर्च, तारण, इतर कोणतेही शुल्क. या सर्व बाबी तुम्ही बँकेच्या कार्यकारी अधिकाऱ्यांकडे आधीच स्पष्ट कराव्यात.
- प्रीपेमेंट / प्रीक्लोझ - तुम्हाला प्रीपेमेंटसाठी अटी आणि शर्ती माहित असणे आवश्यक आहे. हे तुम्हाला व्याज वाचवण्यास मदत करते.
- कर्जाचा कालावधी - सावकार निवडताना तुम्हाला सावकाराने दिलेला कालावधी माहित असणे आवश्यक आहे.
- कर्ज पात्रता रक्कम - तुमच्या आणि तुमच्या सह-अर्जदारांच्या उत्पन्नाच्या आधारावर गृहकर्जाची (Home Loan) किती रक्कम दिली जाऊ शकते. या व्यतिरिक्त मालमत्तेचे मूल्य देखील महत्त्वाचे आहे. अशी अनेक ऑनलाइन साधने उपलब्ध आहेत जिथे तुम्ही तुमची एकूण मिळकत आणि परतफेडीची वेळ प्रविष्ट करू शकता यामुळे तुमची पात्रता तपासण्यात मदत होऊ शकते.
- कर्जासाठी पर्याय - एक महत्त्वाची गोष्ट म्हणजे तुम्ही बाजारात उपलब्ध असलेल्या इतर पर्यायांचा विचार केला पाहिजे.
कर्ज आवश्यकता फॉर्म - (Loan Requirement Form)
होम लोन साठी अर्ज कसा करावा.
सध्याच्या काळात होम लोन (Home Loan) घेणे हे खुपच सोपे आणि सोयिस्कर झाले आहे. सध्याच्या तंत्रज्ञानामुळे आणि बरेचशा माध्यमांमुळे हे शक्य झाले आहे. आपण गृह कर्जासाठी सरळ बॅंकेत जाऊन आणि चौकशी करून तसेच आपण आँनलाईन पद्धतीने सुद्धा होम लोनसाठी अर्ज करु शकतो.
- अर्ज करताना बॅक आपल्याकडुन आवश्यक ते कागदपत्रे जमा करुन घेते. त्यानुसार तुमची होम लोन (Home Loan Procedure) ची प्रक्रिया सुरू होते. यामध्ये तुमचा CIBIL स्कोअर, मालमत्तेचे मुल्य, अशा बर्याचशा गोष्टींचे मुल्यमापन केले जाते.
- सर्व कागदपत्रांचे मुल्यमापन आणि व्हेरिफिकेशन झाल्यानंतर तुम्हाला होम लोन द्यायचे किंवा नाही हे ठरवले जाते.
स्वतःचे घर बांधण्यासाठी गृहकर्ज कसे मिळवावे. याच्या सविस्तर माहितीसाठी जवळच्या बँकेशी संपर्क साधावा. किंवा आताच खालील फॉर्मद्वारे ऑनलाईन अर्ज करा.
अधिक माहितीसाठी खाली दिलेला फॉर्म भरा. हा फक्त कर्ज चौकशी साठीचा फॉर्म आहे. आपण दिलेल्या माहितीवरून तुम्ही ज्या कर्जासाठी पात्र आहात त्यावरून बँकेचे/फायनान्सचे प्रतिनिधी तुमच्याशी संपर्क करतील.
कर्ज आवश्यकता फॉर्म - (Loan Requirement Form)
होम लोनसाठी महत्वाची कागदपत्रे / दस्तावेज (Documents Required For Home Loan In Marathi)
होम लोन (home loan eligibility) घेण्यासाठी आपणास खालील कागदपत्रांची आवश्यकता आहे.
- पुर्णपणे भरलेला गृह कर्जाचा अर्ज
- अर्ज आणि पासपोर्ट आकाराचे फोटो
- ओळख आणि रहिवासी असल्याचा पुरावा ( आधार कार्ड / पॅन कार्ड / मतदान ओळखपत्र/ ड्रायव्हिंग लायसन्स / बॅंक पासबुक / पासपोर्ट / जन्म प्रमाणपत्र / दहावीचे गुणपत्रक (यापैकी कोणतेही एक)
- मागील सहा महिन्याचे बॅंक विवरण ( Bank Statement )
- प्रक्रिया शुल्क धनादेश (Check)
- व्यवसायाचे प्रमाणपत्र आणि पुरावा
- नोकरी असल्यास १६ नंबर फॉर्म
- मागील ३ वर्षाचे उत्पन्न प्रमाणपत्र
- आयकर परतावा (ITR) असल्यास
- मागील दोन वर्षांपासूनचे कर्ज घेतल्याचे विवरण; कर्ज असेल तर सॅंक्शन आणि क्लोजर लेटर
- मागील तीन वर्षाचा नफा आणि तोटा व आढावा पत्रक (Balance Sheet)
- मागील ३ महिन्याची वेतन पावती
टीप – वरील कागदपत्रांची यादी व्यतिरिक्त कर्ज देणारी बँक व वित्तीय संस्था इतर कागदपत्रांची मागणी करू शकते.
गृहकर्ज बंद करताना बँकेतून कोणकोणती कागदपत्रे घ्यावीत
- घराचे मूळ खरेदीपत्र.
- घर जर री-सेल (अगोदरच अस्तित्वात असलेल्या घराची पुनर्खरेदी) चे असेल, तर अगोदरच्या सर्व हस्तांतरणांची मूळ कागदपत्रे.
- सुरक्षिततेचा उपाय म्हणून बँकेने घेतलेले सही केलेले धनादेश.
- कर्जफेड पूर्ण झाल्याचे प्रमाणपत्र (NOC).
बऱ्याचदा लोक हे घ्यायला विसरतात, पण पुढे मागे जर सिबीलची नोंद वेळेत काढली गेली नाही अथवा घराचा काही व्यवहार करायचा असेल, तर त्याची गरज भासते. परंतु काही काळानंतर हे प्रमाणपत्र मिळविण्यासाठी कदाचित बँकेत हेलपाटा माराव्या लागू शकतात.
या महत्त्वाच्या कागदपत्रांशिवाय, आपण बँकेकडून वकिलाने घेतलेला शोध अहवाल (Search Report) देखील मागू शकता.
मात्र खरं सांगायचं झालं तर हा शोध अहवाल तुम्ही 20–25 वर्षांपूर्वी घेतलेल्या घराचा, त्या अगोदरच्या 30 वर्षांसाठीचा असतो. त्यामुळे आज त्याचे महत्व एका कागदाच्या तुकड्यापेक्षा जास्त नसते.
माझ्या मते इतकीच कागदपत्रे गृहकर्ज (Home Loan) बंद झाल्यावर बँकेकडून घेणे क्रमप्राप्त असते.
बँका गृहकर्ज देताना कोणकोणत्या गोष्टींचा विचार करतात?
गृहकर्जे देताना बँका प्रामुख्याने दोन गोष्टींचा विचार करतात :
- ज्या घरावर कर्ज मागितले आहे, ते घर कागदोपत्री सुरक्षित (Clear Title) आहे का?
- कर्जदाराची कर्जफेडीची क्षमता आहे का?
दुसरी महत्त्वाची पायरी म्हणजे कर्जफेडीची क्षमता. यासाठी तुमचे कागदोपत्री असलेले सर्व उत्पन्न जे बँक खात्यात प्रतिबिंबित असते, विचारात घेतले जाते. तुम्ही पगारदार असाल तर तुमचा निव्वळ, हाती येणारा पगारच विचारात घेतला जातो.
हे निव्वळ उत्पन्न देखील पूर्णपणे विचारात घेतले जात नाही. तुमच्या दैनंदिन गरजा, विम्याचे हप्ते इत्यादींसाठी तुमच्या नियमित मिळकतीपैकी 35 टक्के रक्कम बाजूला काढून उर्वरीत 65 टक्के रकमेचाच विचार केला जातो.
इतकेच नव्हे तर तुमच्या बँक स्टेटमेंटच्या नोंदीही तपासल्या जातात जेणेकरून तुमच्यावर अगोदरच इतर कोणत्या कर्जाचा बोजा आहे का, हे पडताळले जाते.
जर तुमचा मासिक पगार ₹.60 हजार असेल व कर व इतर वजावटी धरून तुमच्या हाती महिनाखेरीस ₹.48 हजार येत असतील, तर तुम्हाला बँक जास्तीत जास्त इतकेच कर्ज देईल, ज्याचा मासिक हफ्ता ₹.31,200 पेक्षा जास्त असणार नाही. (म्हणजे ₹.48 हजारच्या 65 टक्के)
थोडक्यात, मुलीच्या लग्नाच्या वेळी एखादा वधुपिता ज्या काळजीने मुलाची सर्व माहिती गोळा करतो, त्याच काळजीने आणि तीच माहिती बँक संभाव्य कर्जदाराविषयी गोळा करते.
तुमचा सीबील रेकॉर्ड देखील तितकाच महत्वाचा आहे.
नकारात्मक सीबील नोंदी असल्यास तुमचा अर्ज तात्काळ नाकारला जातो.
एसबीआय चे होम लोन (State Bank of India Home Loan)
- स्टेट बँक ऑफ इंडिया (State Bank of India) ही भारतातील सर्वात मोठी गृह वित्त पुरवठा करणारी बँक आहे.
- सार्वजनिक क्षेत्रातील बँक असल्यामुळे गृह कर्जाचा (Home Loan) व्याजदर हा इतर सर्व बँकांपेक्षा कमी असतो, ( इतर सरकारी बँकांपेक्षाही) त्यामुळे खूप लोकांची एसबीआय ला (State Bank of India) पसंती असते.
- ही बँक रिझर्व्ह बँकेने व्याजदर कमी केल्यावर सर्वात आधी त्याचा फायदा ग्राहकांना देते.
- गृह कर्ज मंजुरीसाठी लागणारे इतर खर्च इतर बँकांपेक्षा कमी असतात.
- ओव्हर ड्राफ्ट, मॅक्स गेन सारख्या सुविधा आहेत.
- तुम्ही तुमचं कर्ज मुदती आधी फेडू शकता किंवा पार्ट पेमेंट करू शकता त्यासाठी कुठलेही जास्तीचे पैसे लागत नाहीत.
- जर एखादा गृहप्रकल्प एसबीआय (State Bank of India) कडून मंजूर असेल तर तुम्हाला त्या प्रकल्पाच्या मंजुरी आणि इतर कागदपत्रांविषयी बऱ्यापैकी काळजी करण्याची गरज नाही, कारण ह्या बँकेने सगळी कागदपत्रे अगदी कडक तपासलेली असतात.
- स्टेट बँकेचं जाळं हे भारतभर पसरलेलं आहे, तुम्ही कोणत्याही शाखेतून कर्ज मिळवू शकता.
- जरी सरकारी बँक असली तरी टेक्नॉलॉजी मध्ये बऱ्यापैकी अप टू डेट आहे. कर्जासाठी तुम्ही ऑनलाईन अर्ज करू शकता, मोबाईल ऍप सुद्धा आहेत.
- एकदा कर्ज मंजूर होऊन पैसे दिल्यानंतर तुमची फसवणूक होणार नाही कारण छुपे खर्च नसतात.
- टॉप अप आणि बॅलन्स ट्रान्सफर सारख्या सुविधा उपलब्ध आहेत.
- तुमचा सिबिल स्कोर जर 750 पेक्ष्या जास्त असेल तर आणि 30 लाख पर्यंत कर्ज हवं असेल तर तर तुम्हाला सर्वोत्तम व्याजदर मिळेल.
- इतर बँकांपेक्षा या बँकेचा कर्ज मिळवण्यासाठीचे निकष जरा जास्त कडक आहेत.
- आपण प्रायव्हेट बँका निवडतो कारण आपल्याकडे सगळ्या कागद पत्रांची पूर्तता करण्यासाठी वेळ नसतो आणि बँकेच्या फेऱ्या मारण्याचा कंटाळा. परंतु बरेचसे लोक काही काळाने आपलं लोन अकाउंट एसबीआय मधेच ट्रान्सफर करून घेतात.
- या बँकेतील कर्मचारी वर्गाची वागणूक सुधारली तर ही बँक सर्वोत्तम आहे आणि ह्या बँकेचं गृहकर्ज (Home Loan) सर्वोत्तम आहे यात काहीच शंका नाही.
FAQ.
प्रश्न.१. होम लोन (Home Loan) अंतर्गत मालमत्तेच्या किती टक्के रक्कम मिळते?
उत्तर. होम लोन (Home Loan) अंतर्गत मालमत्तेच्या ८०-९०% कर्ज रक्कम मिळते. तसेच हे बँका आणि फायनान्स नुसार कमी जास्त असते.
प्रश्न.२. गृह कर्जासाठी (Home Loan) कोणकोणत्या फी आकारल्या जातात?
उत्तर. गृह कर्जासाठी (Home Loan Mortgage) फी चार्जेस प्रत्येक बँक आणि वित्तीय संस्थेसाठी वेगवेगळे असते. साधारणतः प्रक्रिया शुल्क हे आकारले जाते.
प्रश्न.३. गृह कर्ज (Home Loan) म्हणजे काय?
उत्तर. अनेक हाऊसिंग फायनान्स कंपन्या, सार्वजनिक बँका आणि खाजगी बँका गृहनिर्माण कर्ज देतात, ज्यामुळे तुम्हाला तुमच्या आवडीचे घर खरेदी करण्यासाठी पैसे उधार घेता येतात आणि मासिक हप्त्यांमध्ये कर्जाची परतफेड करता येते.
प्रश्न.४. होम लोन (Home Loan) साठी काय करावे लागेल?
उत्तर. कोणत्याही बँकेकडून कर्ज घेताना तुमचा क्रेडिट स्कोअर बँक पाहतो. जर तुमचा क्रेडिट स्कोअर ७५० किंवा त्यापेक्षा जास्त असेल तर कर्ज सहज मंजूर होऊ शकते. चांगला क्रेडिट स्कोअर असणे म्हणजे कर्जाचे व्याजदर कमी आहेत. त्यामुळे तुम्ही गृहकर्ज घेण्याचा विचार करत असाल, तर तुमचा क्रेडिट स्कोअर नियमितपणे तपासणे सुरू करा. तसेच अधिक माहितीसाठी जवळच्या बँकेशी संपर्क साधावा. किंवा आताच खालील लिंकद्वारे ऑनलाईन अर्ज करा.
प्रश्न.५. होम लोन (Home Loan) साठी वयाची अट किती आहे?
उत्तर. होम लोन (Home Loan) घेणाऱ्या व्यक्तीचे वय १८ ते ७० च्या दरम्यान असावे.
प्रश्न.६. आधार कार्ड वर लोन मिळेल का?
उत्तर. अनेक बँका अशा देखील आहेत, ज्या केवळ आधार कार्डद्वारे पर्सनल लोन मंजूर करतात. यामध्ये SBI, HDFC, Kotak Mahindra Bank सारख्या बँकांचा समावेश आहे. तुम्ही सहज आधार कार्ड वापरून Personal Loan घेऊ शकता.
मी शिफारस करतो की तुम्ही सुरक्षित कर्ज उपलब्ध असल्यास (गोल्ड लोन, फिक्स डिपॉझिटवर कर्ज, मालमत्तेवर कर्ज किंवा सिक्युरिटीजवरील कर्ज) निवडा कारण वैयक्तिक कर्जे महाग असतात, आणि ती केवळ निवडक ग्राहकांना दिली जातात. उत्पादन वैशिष्ट्यांच्या बाबतीत, या कर्जांचे त्वरित वितरण आहे. खाजगी बँका वेळ व्यवस्थापनासाठी योग्य आहेत कारण PSU बँकांच्या तुलनेत खाजगी बँकांमध्ये सेवा वेळ जलद आहे. अशा कर्जासाठी तुम्ही एचडीएफसी बँकेसारख्या कोणत्याही खाजगी बँकेशी संपर्क साधू शकता. किंवा कर्ज आवश्यकता फॉर्म - (Loan Requirement Form) येथे ऑनलाइन अर्ज करू शकता.
धन्यवाद....!